کراچی (نیوزڈیسک) کراچی میں دوخواتین پولیس افسر سوتنوں کی طرح آپس میں لڑ پڑیں اور بھرے بازار میں ہی گتھم گتھا ہو گئیں ، حکام نے دونوں کو معطل کر دیا ۔ یہ کوئی ساس بہو یا سوتنیں نہیں بلکہ پولیس آفیسرز ہیں جو کراچی میں تعینات ہیں ۔ یہ بہادر تو ہوں گی ہی کیونکہ ان میں سے ایک بہادر آباد تھانے کی موجودہ ایس ایچ او ہیں جبکہ دوسری اسی تھانے کی پرانی انچارج ہیں ، تو رقابت تو ہو گی ہی چاہے وہ پیشہ وارانہ ہی ہو ۔ ایس ایچ او شبانہ گیلانی فاطمہ اور سابق ایس ایچ او زیب النسا کے درمیان کسی بات پر تلخ کلامی ہوگئی اور دونوں بھرے بازار میں ہی گھتم گتھا ہوگئیں ۔ دونوں کو سزا بھی ملی تو صرف یہ کہ انہیں معطل کر دیا گیا –