اسلام آباد(نیوزڈیسک)عید الفطر کا چاند دیکھنے کیلئے مرکزی رویت ہلال کمیٹی کا اجلاس کل ہوگا ، محکمہ موسمیات کے مطابق شوال کا چاند نظر آنے کے قوی امکانات ہیں۔ شوال کا چاند دیکھنے کیلئے مرکزی رویت ہلال کمیٹی کا اجلاس کل جمعہ کو اسلام آباد میں چیئرمین مفتی منیب الرحمان کی صدارت میں ہوگا جبکہ زونل کمیٹیوں کے اجلاس کراچی ، لاہور ، کوئٹہ اور پشاور میں ہوں گے ۔مرکزی اجلاس میں رویت ہلال کمیٹی کے ممبران ، محکمہ موسمیات اور فلکیات کے ماہرین شرکت کریں گے ۔ محکمہ موسمیات کے مطابق جمعہ کو چاند نظر آنے کے واضح امکانات موجود ہیں ، چاند نظر آنے کی صورت میں عید الفطر ہفتہ کو ہوگی۔