اسلام آباد (نیوز ڈیسک)تحریک انصاف کے سر براہ عمران خان کی اہلیہ ریحام خان کی ڈگری کو برطانوی اخبار نے چیلنج کر دیا ہے، بر طانوی اخبار میں شائع کی گئی رپورٹ کے مطابق ریحام خان نے دعویٰ کیا تھا کہ انہوں نے براڈ کاسٹ جرنلزم کی ڈگری نارتھ لنزے کالج سے حاصل کی تھی تاہم بر طانوی اخبار کے مطابق مذکورہ کالج ایسی کوئی ڈگری ہی جاری نہیں کرتا. بر طانوی اخبار کی اس رپورٹ کو شائع ہوئے قریباً اڑھائی گھنٹے گزر چکے ہیں تاہم پی ٹی آئی کی قیادت یا ریحام خان کی جانب سے اس خبر کی تصدیق یا تردید تاحال نہیں کی گئی. ترجمان پی ٹی آئی شیریں مزاری کا کہنا ہے کہ پارٹی کچھ دیر میں اس معاملے پر اپنا موقف دے گی۔