کراچی(نیوزڈیسک)سابق صدر پرویز مشرف نے کہا ہے نواز شریف مجھے انتقام کا نشانہ بنا رہے ہیں، مجھے تنگ کرنے کیلئے بے نظیر بھٹو قتل کیس لال مسجد کیس اور ججز نظر بندی کیس بنائے گئے۔ نجی ٹی وی کو دیئے گئے انٹرویو میں انہوں نے کہا بے نظیر بھٹو قتل جیسے مقدمات کی تحقیقات نہیں ہوتی، مرتضی بھٹو بے نظیر بھٹو کے دور اقتدار میں قتل ہوئے لیکن تحقیقات نہیں ہوئی۔ سابق صدر پرویز مشرف نے کہا کہ عزیر بلوچ ہی اب بتائیں گے کہ محترمہ بے نظیر بھٹو کا قتل کس نے کرایا تھا ، آرمی چیف جنرل راحیل شریف اپنا کام ٹھیک کر رہے ہیں، این آر او کا اجرا غلط فیصلہ تھا اور مجھے اس پر افسوس ہے اور یہ کہ سابق چیف جسٹس افتخار چودھری کے خلاف ریفرنس بھیجنا بھی غلط تھا۔