اسلام آباد(نیوزڈیسک) اسلام آباد کی فیصل مسجد میں تخریب کاری کامنصوبہ ناکام بنادیاگیا۔تفصیلات کے مطابق ایک شخص کواس وقت مشتبہ حالت میں پکڑ لیاگیاجب وہ فیصل مسجد میں داخل ہورہاتھاجب اس شخص کی جامہ تلاشی لی گئی تواس کے قبضہ سے ایک پستول اوراس کی گولیاں برآمد ہوئیں ۔سیکیورٹی ذرائع کے مطابق ایک شخص جب مسجد میں داخل ہورہاتھاتوایک پولیس اہلکارکواس پرشک گزرا تواس نے اس مشتبہ شخص کوروک کرتلاشی لی تواس کے قبضہ سے ایک پستول اورگولیاں برآمد ہوئیں جس کے بعد اس شخص کومزید پوچھ گچھ کے لئے نامعلوم مقام پرمنتقل کردیاگیا۔واضح رہے کہ اس وقت رمضان المبارک کے تیسرے عشرے میں ہزاروں افراد فیصل مسجد میں اعتکاف بیٹھے ہیں ۔