لاہور(نیوزڈیسک)لاہور ہائیکورٹ نے کرنسی اسمگلنگ کیس میں گرفتار ماڈل ایان علی کی درخواست ضمانت میں اضافی دستاویزات ریکارڈ پر لانے کی متفرق درخواست سماعت کے لئے منظور کر لی۔مسٹر جسٹس انوار الحق کی سربراہی میں دو رکنی بنچ نے ایان علی کی متفرق درخواست پر سماعت کی۔ درخواست گزار کے وکیل خرم لطیف کھوسہ نے بتایا کہ وہ ہائیکورٹ کے کسٹم اپیلیٹ ٹربیونل کی طرف سے ملزمہ کی ضمانت کی اپیل خارج کرنے کا فیصلہ ریکارڈ پر لانے چاہتے ہیں۔ عدالت نے استدعا منظور کرتے ہوئے فیصلہ ریکارڈ پر لانے کی درخواست منظور کر لی۔