لاہور( نیوزڈیسک)پاکستان مسلم لیگ (ن) نے بلدیاتی انتخابات کے لئے امیدواروں سے دوبارہ درخواستیں طلب کرنے کا فیصلہ کر لیا ، چیئرمین ، وائس چیئرمین اور کونسلر کے لئے فیس کا اعلان بھی کر دیا گیا ۔ ذرائع کے مطابق مسلم لیگ (ن) نے پنجاب میں ستمبر میں متوقع بلدیاتی انتخابات کے لئے امیدواروں سے نئی درخواستیں طلب کرنا کا فیصلہ کیا ہے ۔ چیئرمین کےلئے درخواست کے ساتھ دس ہزار،وائس چیئرمین کے لئے پانچ ہزار او رکونسلر کے لئے دو ہزار روپے فیس بھی پارٹی فنڈ میں جمع کرانا ہو گی ۔مسلم لیگ (ن) اس سے قبل بھی بلدیاتی انتخابات کے لئے درخواستیں وصول کر چکی ہے لیکن اب نئی درخواستیں وصول کرنے کا فیصلہ کیا گیا ہے۔