اسلام آباد (نیوزڈیسک)اسلام آباد اور راولپنڈی میں موسلادھار بارش سے موسم خوشگوار ہو گیا تاہم راولپنڈی میں نشیبی علاقوں میں پانی بھرنے سے عوام کو مشکلات کا سامنا ہے۔ڈی جی میٹ ڈاکٹر غلام رسول کہتے ہیں پنجاب میں بارش کا سلسلہ مزید دو روز جاری رہے گا، نالہ لئی کے اطراف رہنے والے لوگ محتاط رہیں۔ اسلام آباد اور راولپنڈی میں بارش الاصبح سلسلہ وقفے وقفے سے جاری ہے جس کے باعث جڑوا ں شہروں کا موسم خوشگوار ہو گیا تاہم راولپنڈی کے نشیبی علاقے زیر آب آگئے۔ زیر آب آنے والے علاقوں میں جاوید کالونی ، ڈھوک کھبہ ، آریہ محلہ ، امام بار گاہ چوک ، جامعہ مسجد روڈ پر کئی کئی فٹ پانی کھڑا ہو گیا ، سڑکوں پر پانی کھڑے ہونے کے باعث شہریوں کو انتہائی مشکلات کا سامنا کرنا پڑا ، موسلا دھا ر بارش کے باعث راولپنڈی میں نالہ لئی میں کٹاریاں کے مقام پر پانی کی سطح 13 فٹ جبکہ گوالمنڈی کے مقام پر پانی کی سطح 15 فٹ تک پہنچ گئی۔ فلڈ کنٹرول روم کے مطابق اسلام آباد میں سید پور میں 23 ملی میٹر، بوکڑہ میں 71 ملی میٹر بارش،گولڑہ میں 77 ملی میٹر جبکہ پنڈی کے علاقے چکلالہ میں 59 ملی میٹر بارش ریکارڈ کی گئی۔ڈی جی میٹ ڈاکٹر غلام کا کہنا ہے کہ پنجاب اور کے پی میں بارش کا سلسلہ مزید 2 دن جاری رہے گا، نالہ لئی کے اطراف رہنے والے لوگ محتاط رہیں۔
مزیدپڑھیے :ایک ٹی وی شوجس نے عرب دنیامیں تہلکہ مچادیا