گجرات (نیوزڈیسک) عیدی مانگنے پر فیکٹری مالک دس سالہ بچے پر بہیمانہ تشدد ، ڈاکٹرز نے آنکھ ضائع ہونے کا خدشہ ظاہر کر دیا ۔ زخمی بچے کو سول ہسپتال منتقل کر دیا گیا ہے ۔ رحمتوں اور برکتوں کے اس مہینے میں اس معصوم کے ساتھ ایسا ظلم کہ ہر صاحب اولاد دہل کر رہ گیا ۔ تھانہ کھیالی کے 10 سالہ عبدالرحمن کا جرم یہ تھا کہ اس نے اپنے مالک محمد سعید سے عید کے کپڑے خریدنے کے لئے تنخواہ مانگی تھی ۔ مالک نے تنخواہ دینے کے بجائے اسے تشدد کا نشانہ بناتے ہوئے خراد مشین پر پٹخا جس سے معصوم کی آنکھ بری طرح متاثر ہوئی ۔ ہسپتال میں زخمی بچے عبدالرحمن نے بتایا کہ مالک نے اسے پیسے مانگنے پر تشدد کا نشانہ بنایا ۔ والدہ کا کہنا ہے کہ عبدالرحمن گھر کا واحد کفیل ہے ، باپ بیمار ہے ، ایک معصوم محنت کش پر یہ ظلم دیکھ کر کیا قانون اب بھی خاموش رہے گا ۔