کراچی(نیوزڈیسک) لگتا ہے قائم علی شاہ کے ہاتھوں کراچی کی خیر نہیں ۔عمر کے اس حصے میں سائیں جی کو وہ کچھ بھی دکھائی دینے لگا ہے جو کسی اور کو سجھائی نہیں دیتا ۔ جیسے کہ مردم شماری والے کراچی کی آبادی دو سے ڈھائی کروڑ بتاتے ہیں ۔ مگر سائیں جی اپنے کشف سے بتاتے ہیں کہ کان کھول کے سن لو! کراچی کی آبادی دو ڈھائی کروڑ نہیں بلکہ پورے بائیس کروڑ ہے ۔ سائیں جی بار بار بتانے پر اپنے اصلاح تو کر لی مگر کیا کہیں کچھ روز پہلے ہی وہ کراچی کی آبادی 20 کروڑ بھی بتا چکے ہیں ۔ سائیں جی آبادی کے اتنے تیز اتار چڑھاؤ سے تو ہمارے کان سائیں سائیں کرنے لگے ہیں مگر یہ بات سائیں جی کو سمجھانا مشکل ہی نہیں ناممکن لگتا ہے ۔ وہ کچھ بھی دکھائی دینے لگا ہے جو محکمہ مردم شماری سے لے کر شہریوں تک کسی کو سجھائی نہیں دیتا۔