لاہور(نیوزڈیسک)محکمہ موسمیات کا اہم اعلان- کل (اتوار )سے مون سون کا نیا سلسلہ شروع ہونے کا امکان ظاہر کیا ہے ۔اسلام آباد سمیت کئی شہروں میں جمعرات کو ہونے والی بارش سے گزشتہ روز گرمی کی شدت کم رہی۔ لاہور میں دن بھر مطلع جزوی ابر آلود رہا۔ صبح گہرے بادل چھا گئے اور بعض مقامات پر ہلکی بوندا باندی ہوئی۔ سندھ اور بلوچستان شدید گرمی کی لپیٹ میں رہے۔ نوکنڈی میں پارہ سب سے زیادہ 46ڈگری رہا۔ محکمہ موسمیات نے لاہور، ساہیوال، ہزارہ، ژوب ڈویژن اور کشمیر میں گرج چمک کے ساتھ بارش کی پیشگوئی کی ہے جبکہ بالائی علاقوں میں اتوار سے جمعہ تک بارشوں کا نیا سلسلہ شروع ہونے کا امکان ظاہر کیا ہے ۔