اسلام آباد(نیوز ڈیسک)سندھ ہائی کورٹ نے ایگزیکٹ کی سیکورٹی کلیئرنس کا فیصلہ سنا دیا ، ایگزیکٹ کے ڈائریکٹرز کو دوبارہ سیکورٹی کلیئرنس لینے کا حکم دیا گیا ہے۔ سندھ ہائی کورٹ نے فیصلے میں کہا کہ ایگزیکٹ کے ڈائریکٹرز کی تبدیلی کے بعد سیکورٹی کلیئرنس لینا ضروری ہے۔ سندھ ہائیکورٹ نے ایگزیکٹ چینل کے ڈائریکٹرز کا حکم امتناعی بھی خارج کر دیا ہے۔ عدالت عالیہ نے شعیب شیخ اور دیگر ڈائریکٹرز کی سیکورٹی کلیئرنس کا حکم برقرار رکھا ، نجی ٹی وی نے دو ہزار تیرہ میں شعیب شیخ ، وقاص عتیق، عائشہ شیخ اور دیگر کو ڈائر یکٹرز میں شامل کیا تھا۔