لندن ( نیوزڈیسک)متحدہ کے قائد الطاف حسین کا کہنا ہے کہ ظلم اور جبر کے ذریعے ایم کیو ایم کو کمزور کرنے کی سازشیں کی جا رہی ہیں۔نائن زیرو پر ایم کیو ایم کے رہنما عامر خان کی رہائی کے موقعہ پر تنظیمی شعبہ جات کے ذمہ داروں اور کارکنوں سے خطاب کرتے ہوئے الطاف حسین نے کہا کہ ایم کیو ایم کے خلاف ماضی میں بھی سازشیں ناکام ہوئیں۔ اب بھی اللہ تعالیٰ انہیں سرخرو کرے گا۔ الطاف حسین نے عامر خان کی رہائی پر انہیں مبارکباد دی۔ ان کا کہنا تھا کہ قیدو بند کی صعوبتیں ایم کیو ایم کے رہنماؤں اور کارکنوں کے حوصلوں کو ختم نہیں کر سکتیں۔