راولپنڈی(نیوزڈیسک)راولپنڈی کی انسداددہشتگردی عدالت نے نیٹو ٹینکرحملہ کیس میں 3 دہشتگردوں کو8،8 مرتبہ سزائے موت کاحکم سنادیا ہے،ان حملوں میں3 پولیس اہلکار بھی جاں بحق ہوئے تھے۔ انسداد دہشتگردی کی خصوصی عدالت نے کالعدم تحریک طالبان پاکستان سے تعلق رکھنے والے 3دہشتگردوں علی عمران ,اعتزازاور شجاع کو نیٹو آئل ٹینکر حملہ کیس میں 8،8مرتبہ سزائے موت دیدی ہے۔مجرمان نے نیٹوافوج کے افغانستان جانیوالے11ٹینکرزکوجلایا تھا۔اس حملے میں پولیس انسپکٹر سمیت 3 کانسٹیبلزجاں بحق ہوئے تھے۔واضح رہے کہ دہشت گردوں نے 2010 میں تلہ گنگ کے قریب نیٹو ٹینکر پر حملہ کرکے انہیں آگ لگادی تھی جب کہ حملے میں پولیس انسپکٹرسمیت 3 اہلکار جاں بحق ہوگئے تھے۔