اسلام آباد(نیوز ڈیسک)لاہو ر ہائیکورٹ نے کرنسی سمگلنگ میں گرفتار ماڈل ایان علی کی درخواست ضمانت مستردکردی ہے۔تفصیلات کے مطابق دوران سماعت ایان علی کے وکیل کا کہناتھا کہ ایان علی کسی قسم کی کرنسی سمگلنگ میں ملوث نہیں بلکہ انہیں سیاسی انتقام کا نشانہ بنایا جارہاہے جس کے بعد عدالت نے تمام تر دلائل کو مدنظر رکھتے ہوئے فیصلہ سنایا جبکہ وکیل استغاثہ کا کہناتھا کہ ماڈل ایان علی بیرون ملک جانے کیلئے مکمل تیار تھیں اور انہیں پانچ لاکھ ڈالر کی رقم کے ساتھ ایئرپورٹ سے حراست میں لیا گیاتھا اور وہ بس جہاز میں سوار ہونے ہی والی تھیں۔لاہور ہائیکورٹ کے فاضل جج جسٹس عبدالسمیع نے دونوں وکلاءکے دلائل سننے کے بعد مختصر فیصلہ سناتے ہوئے ماڈل ایان علی کی درخواست ضمانت مسترد کردی۔