اسلام آبا(نیوز ڈیسک) پاکستان انٹرنیشنل ائیرلائن کی اعلی کارکردگی اپنے ہی عملے کو بنا اجازت جدہ پہنچا دیا ، غفلت پر بھاری معاوضہ ادا کرنا پڑا۔ پی آئی اے کی فلائیٹ پی کے 759 کا فلائٹ کریو بغیر اجازت لاہور سے جدہ پہنچ گیا جس پر کریو کو جدہ پر امیگریشن حکام نے روک لیا۔ قومی ائیرلائن کی انتظامیہ سعودی عرب میں فلائٹ کریو کی آمدورفت کی اجازت کی تجدید کرانا بھول گیا ، جس پر ائیر لائن کو سعودی قوانین کی خلاف ورزی پر بھاری جرمانہ ادا کرنا پڑا۔ پی آئی اے انتظامیہ نے تحریری معذرت کے بعد فی کریو ممبر 3 ہزار ریال جرمانہ ادا کیا اس کے بعد عملے کو ائیر پورٹ جانے کی اجازت دی گئی۔