کراچی(نیوزڈیسک)ایم کیو ایم کے سابق یونٹ انچارج شکیل عرف بابا عبید کے ٹو اور حسن اختر کی شامت آگئی،انسداد دہشت گردی کی خصوصی عدالت نے 64افراد کے قتل میں ملوث ملزم شکیل عرف بابا کو 90 روز کے ریمانڈ پر رینجرز کی تحویل میں دے دیا ہے جبکہ عبید کے ٹو اور حسن اختر کا بھی پولیس ریمانڈ دے دیا گیا ،ایم کیو ایم کے سابق یونٹ انچارج شکیل عرف بابا کو گذشتہ روز نارتھ ناظم آباد سے گرفتار کیا گیا تھا ملزم پر 64افراد کو قتل کرنے کے الزامات ہیں۔ عدالت نے ملزم کو 90روز کیلیے رینجرز کی تحویل میں دے دیا۔ دوسری جانب 11 مارچ کو ایم کیو ایم کے مرکز نائن زیرو سے گرفتار ملزمان عبید کے ٹو اور حسن اختر کو بھی انسداد دہشتگردی کی عدالت میں پیش کیا گیا جس میں عبید کے ٹو کو 3 جولائی تک ریمانڈ پر بھیج دیا گیا ملزم پر پولیس اہلکار کو قتل کرنے کا الزام ہے اسکے علاوہ حسن اختر کو 7 روز کے لئے پولیس ریمانڈ پر بھیج دیا گیا۔ ملزم پر دھماکہ خیز مواد رکھنے اور پولیس اہلکارکو قتل کرنے کے الزامات ہیں ۔