کراچی(نیوزڈیسک)رینجرزکے ہاتھوں اہم ذمہ داران گرفتار،ایم کیو ایم کے صبر کا پیمانہ لبریز ہوگیا،متحدہ قومی موومنٹ کی رابطہ کمیٹی نے رینجرزکے ہاتھوں ایم کیوایم نارتھ ناظم آبادکے سیکٹرانچارج عمران رفیق اور ایم کیوایم کے دیگر ذمہ داروں اور کارکنوںکی گرفتاریوں کی شدیدمذمت کی ہے۔اپنے ایک بیان میں رابطہ کمیٹی نے کہاکہ رینجرزنے گزشتہ روز سخی حسن کے علاقے سے ایم کیوایم نارتھ ناظم آباد سیکٹرکے انچارج عمران رفیق کوان کے گھرسے گرفتارکرلیاجبکہ ان کے خلاف کوئی مقدمہ نہیں ہے،عمران رفیق کوگرفتارکرکے نامعلوم مقام پر منتقل کردیا گیا ہے۔اسی طرح جمعہ کو رینجرزنے سندھ سیکریٹریٹ کے قریب سے ایم کیوایم برنس روڈ کے سیکٹرممبرمحمدفیصل ولدمحمدرفیق کوگرفتارکرلیا،انہیں بھی نامعلوم مقام پر منتقل کردیاگیاہے۔ رابطہ کمیٹی نے کہاکہ رینجرزکے ساتھ ساتھ پولیس اورسادہ لباس میںملبوس اہلکاروں کی جانب سے بھی ایم کیوایم کے کارکنوں کوگرفتار کیا جارہاہے۔ گزشتہ روز قصبہ علی گڑھ سیکٹریونٹ 131کے کارکن نفیس احمدولد انیس احمدکوسی آئی ڈی نے گرفتارکرلیاجبکہ سادہ لباس میں ملبوس اہلکاروں نے عوامی رابطہ مہم کے دوران رنچھوڑلائن سیکٹریونٹ یوسی3-A کے کارکنوں راحیل ولد محمدیونس اورمسلم ولد عبداللہ کوگرفتارکرلیا۔ان میں سے کسی بھی ذمہ داریاکارکن کو کسی بھی عدالت میں پیش نہیں کیاگیا۔رابطہ کمیٹی نے کہاکہ گزشتہ دوسال کے دوران ایم کیوایم کے 192کارکنان ٹارگٹ کلنگ کے واقعات میں بیدری سے شہیدکردیئے گئے لیکن ان میں سے کسی ایک کے بھی قاتل کوگرفتارنہیں کیاگیاہے اورشہرمیں جاری ٹارگٹڈ آپریشن کی آڑمیں ایم کیوایم کے ذمہ داروں اور کارکنوںکوگرفتارکیاجارہاہے ، انہیں لاپتہ کیاجارہاہے۔اس سے قبل بھی ایم کیوایم کے 20کارکنان کئی ماہ سے لاپتہ ہیں جنکے بارے میں ان کے اہل خانہ کو کچھ نہیں بتایاجارہاہے ۔رابطہ کمیٹی نے کہاکہ کراچی کے مختلف علاقوں میں طالبان اوردیگرکالعدم تنظیموں کے دہشت گردآزادانہ اپنی کارروائیاں کررہے ہیں انہیں روکنے والاکوئی نہیں جبکہ ایم کیوایم کی سیاسی سرگرمیوںپربھی پابندی عائدکی جارہی ہے اورکرمنلائزیشن پالیسی کے تحت ایم کیوایم کے کارکنوںکو خطرناک مجرم اوردہشت گردبناکرپیش کیاجارہا ہے ۔ رابطہ کمیٹی نے مطالبہ کیاکہ چھاپوں اور گرفتاریوںکایہ سلسلہ بندکیاجائے اور ایم کیوایم نارتھ ناظم آباد کے سیکٹر انچارج عمران رفیق، برنس روڈ کے سیکٹرممبرمحمدفیصل،قصبہ علی گڑھ سیکٹریونٹ 131کے کارکن نفیس احمداوررنچھوڑلائن سیکٹریو نٹ یوسی3-A کے کارکنوں راحیل اورمسلم کوفی الفوررہاکیاجائے۔ رابطہ کمیٹی نے انسانی حقوق کی تنظیموںسے بھی اپیل کی کہ وہ کراچی میں انسانی حقوق کی خلاف ورزیوں کا نوٹس لیں اوراس کے خلاف آوازبلندکریں۔
رینجرزکے ہاتھوں اہم ذمہ داران گرفتار،ایم کیو ایم کے صبر کا پیمانہ لبریز ہوگیا
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































