کراچی (نیوزڈیسک)پاکستان پیپلز پارٹی کے چیئرمین بلاول بھٹو زرداری اور ان کے والد پیپلز پارٹی کے شریک چیئرمین اور سابق صدر آصف علی زرداری بدھ کی شام الگ الگ پروازوں سے دبئی پہنچے ۔ ذرائع کے مطابق آصف علی زرداری کچھ دن دبئی میں قیام کریں گے اور بعد ازاں ا مریکہ روانہ ہوجائیں گے۔ذرائع کے مطابق آصف علی زرداری امریکا میں اپنا چیک اپ کروائیں گے، تقریباًوہ ایک ماہ امریکا میں قیام کریں گے۔ ذرائع نے بتایا ہے کہ بلاول بھٹو زرداری بھی دبئی سے لندن جائیں گے۔آصف علی زرداری پہلے دبئی روانہ ہوئے۔بلاول بھٹو زرداری ان کے دو گھنٹے بعد روانہ ہوئے۔سیاسی حلقے پیپلز پارٹی کے چیئرمین اور شریک چیئرمین کی اچانک بیرون ملک روانگی کو موجودہ سیاسی حالات کے تناظر میں دیکھ رہے ہیں۔