کراچی(نیوزڈیسک) کراچی میں شدید گرمی سے ہونے والی ہلاکتوں کے باعث مردہ خانوں میں جگہ کم پڑ گئی۔ سندھ حکومت نے ایکسپو سینٹر کے ہال کو مردہ خانے میں تبدیل کرنے کا فیصلہ کیا ہے۔گزشتہ چند روز کے دوران شدید گرمی سے ہونے والی ہلاکتوں سے مردہ خانوں میں لاشیں رکھنے کے لئے جگہ دستیاب نہیں ہے۔ سندھ حکومت نے اس مسئلے کو حل کرنے کے لئے ایکسپو سینٹر کے ایک ہال کو مردہ خانے میںِ تبدیل کرنے کا فیصلہ کیا ہے۔ ذرائع کا کہنا کہ ہے کہ ایکسپو سینٹر میں مردہ خانے کے انچارج ڈپٹی کمنشر ایسٹ ہوں گے۔ مردہ خانے میں لاشیں رکھنے کے لئے جلد انتظامات مکمل کر لئے جائیں گے