اسلام آباد(نیوز ڈیسک)سابق صدر اور پیپلزپارٹی کے شریک چیئرمین آصف علی زرداری نے پارٹی رہنماو¿ں کا اہم اجلاس کل نوڈیرو میں طلب کرلیا۔نجی ٹی وی کے مطابق پیپلزپارٹی کے شریک چیئرمین آصف علی زرداری نے پارٹی رہنماو¿ں کا اہم اجلاس کل نوڈیرو میں طلب کرلیا جس میں پارٹی کے سینئر رہنماو¿ں سمیت وزیراعلی سندھ سید قائم علی شاہ، صوبائی وزرا اور ارکان سندھ اسمبلی شریک ہوں گے۔ اجلاس کے دوران موجودہ سیاسی صورتحال اور آصف زرداری کے فوج سے متعلق متنازع بیان کے بعد پیدا ہونے والی صورتحال پر مشاورت کی جائے گی۔ذرائع کے مطابق سابق وزیراعظم اور پیپلزپارٹی کی رہنما بے نظیر بھٹو کی 62ویں سالگرہ کے موقع پر نوڈیرو میں تقریب کا انعقاد کل ہوگا جسے سادگی سے منایا جائے گا۔