اسلام آباد(نیوز ڈیسک)پیپلز پارٹی کے سینئر رہنما اور سابق وزیراعظم سید یوسف رضا گیلانی نے پارٹی قیادت سے مطالبہ کیا ہے کہ میری جگہ میرے بیٹے کو پارٹی میںاہمیت دی جائے اور اسے بلاول بھٹو کے ساتھ کام کرنے کا موقع دیا جائے ۔ گزشتہ روز سی ای سی کے اجلاس میں سید یوسف رضا گیلانی نے رضا کارانہ استعفی پیش کرتے ہوئے کہا کہ میری جگہ نوجوان قیادت کو آگے لایا جائے اور میں صرف ایک ورکر کے طور پر پارٹی قیادت کے ساتھ کام کروں گا تاہم بلاول بھٹو زرداری اور آصف علی زرداری نے انہیں کام جاری رکھنے کی ہدایت کی اور ان کا استعفیٰ منظور نہیں کیا گیا ۔