کراچی (نیوزڈیسک)کراچی کے مختلف علاقوں میں رمضان کے آغاز میں ہی فائرنگ سے ایک جابحق اور 2 افراد زخمی ہوگے ، جب کے پولیس مقابلہ میں ایک ملزم ہلاک اور بیرون ملک فرار ہونے والا ایک غیر ملکی گرفتار کرلیا گیا۔کراچی کے علاقے نیو کراچی میں فائرنگ سے ایک شخص جابحق ہوگیا۔ریسکیو زرائع کے مطابق اورنگی ٹاون غازی آباد میں فائرنگ سے ایک شخص زخمی ہوگیا ، جب کہ سْرجانی ٹاون خدا کی بستی کے قریب فائرنگ سے بھی ایک شخص زخمی ہوا۔ دوسری جانب لیاری کے نپئیرروڈ پر پولیس مقابلہ ہوا جس میں ایک ملزم ہلاک ہوگیا اورمحمود آباد پولیس کی جانب سے بھی کارروائی کی گئی جس میں ایک غیر ملکی شخص گرفتا کیا گیا پولیس کے مطابق گرفتار ملزم سے اسلحہ بھی برآمد کیا گیا ہے۔