اسلام آباد(نیوز ڈیسک)سپیکر قومی اسمبلی ایاز صادق نے قائد حزب اختلاف خورشیدشاہ کو وزیراعلیٰ سندھ کا لقب دے دیا ،جمعرات کے روز قومی اسمبلی کاجلاس سپیکر ایاز صادق کی زیر صدارت ہوا ،اپوزیشن لیڈر خورشید اجلاس میں شرکت کیلئے جب ہال میں پہنچے تو سپیکر قومی اسمبلی ایاز صادق نے قائد حزب اختلاف کو وزیراعلیٰ سندھ کہہ کر مخاطب کیا تو ایوان قہقوں سے گونج اٹھاجبکہ اس موقع پر سید خورشید شاہ سپیکر قومی اسمبلی کو دیکھ کر مسکراتے رہے۔واضح رہے کہ گزشتہ روز پیپلز پارٹی کی ایگزیکٹو کمیٹی کے اجلاس میںخورشیدشاہ کو وزیراعلیٰ سندھ اور بلاول بھٹو زرداری کو خورشید شاہ کی جگہ اپوزیشن لیڈر بنانے کا فیصلہ کیا گیا تھا۔