اسلام آباد(نیوزڈیسک)قومی اسمبلی میں ڈپٹی سپیکر مرتضیٰ جاوید عباسی نے بھارتی وزیر اعظم نریندر مودی کے خلاف استعمال کیا گیا لفظ ”احمق“ کاررو ائی سے حذف کرا دیا۔ بدھ کو پیپلز پارٹی کی شازیہ مری نے کہاکہ مولانا رومی نے وزیر اعظم مودی جیسے حکمرانوں کے لئے کہا تھا کہ ایک ہزار عقلمندوں کے دنیا سے اٹھ جانے سے اتنا نقصان نہیں ہوتا جتنا کسی ایک احمق کے بااختیار ہو جانے سے ہوتا ہے۔ ڈپٹی سپیکر نے کہاکہ ایوان میں کسی وزیر اعظم کے خلاف یہ لفظ استعمال نہیں کیا جا سکتا اس لئے اسے کارروائی سے حذف کیاجاتا ہے۔