لاہور (نیوزڈیسک)خون کا بدلہ خون، طاہرالقادری نے تخت لاہور ہلادیا- ڈاکٹر طاہر القادری نے کہا ہے کہ سانحہ ماڈل ٹاﺅن کے شہداءکے خون کا بدلہ لے کر رہیں گے ، حکومت ماڈل ٹاﺅن میں بیرئیر ہٹانے نہیں بلکہ سازش کرنے آئی تھی ، سانحہ ماڈل ٹاﺅن کو ایک سال پورا ہونے پر منہاج القرآن سیکرٹریٹ ماڈل ٹاﺅن لاہور میں یوم شہدا کی تقریب منائی گئی۔ ویڈیو لنک سے خطاب کرتے ہوئے طاہر القادری کا کہنا تھا 17 جون کے شہدا کے قاتل نواز شریف اور شہباز شریف ہیں۔ جے آئی ٹی میں شامل لوگ شہدا کے قاتل تھے۔ سانحہ ماڈل ٹاﺅن کے شہدا کو انصاف لے کر دیں گے ، طاہر القادری نے کہا سانحہ ماڈل ٹاﺅن حکومتی سازش تھی جبکہ بیرئیر ہٹانا تو ایک بہانہ تھا۔ سازش کی ذمہ دار حکومت ہے ، خون کا بدلہ خون ہے۔ علامہ طاہر القادری کا کہنا تھا کہ پاکستان عوامی تحریک شہدا ماڈل ٹاﺅن کا خون کبھی معاف نہیں کرے گی ، انصاف ملنے تک احتجاج جاری رکھے گی اور اس کے ذمہ داروں کو کیفر کردار تک پہنچا کر دم لے گی۔ –