اسلام آباد(نیوز ڈیسک) وزیراعظم نوازشریف اور سابق صدر آصف علی زرداری کی آج ہونیوالی ملاقات منسوخ ہوگئی جس کی تصدیق فرحت اللہ بابر نے کردی اور کہاکہ یہ ملاقات آج نہیں ہورہی تاہم ملاقات ملتوی ہونے کی وجہ بتانے سے گریز کیا۔مقامی میڈیا کے مطابق وزیراعظم نوازشریف نے گزشتہ روز دیئے جانیوالے بیان کی روشنی میں سابق صدر زرداری سے معذرت کیساتھ ملاقات کرنے سے انکار کردیا اور وزیراعظم نے معذرت کرتے ہوئے کہاکہ مصروف ہوں ،آج ملاقات نہیں کرسکتا۔پیپلزپارٹی کے ذرائع کاکہناہے کہ دونوں جماعتوں کے رہنماﺅں کے درمیان ملاقات طے تھی جس دوران سابق صدر نے پیپلزپارٹی کو سندھ میں درپیش مشکلات سے وزیراعظم کو آگاہ کرناتھا ۔