کراچی (نیوزڈیسک) پرویزمشرف کی سندھ میں بڑی کامیابی،اہم شخصیت نے ن لیگ سے لاتعلقی کا اعلان کردیا،سندھ کے سابق وزیراعلیٰ سید غوث علی شاہ نے مسلم لیگ (ن) سے لاتعلقی کا اعلان کرتے ہوئے کہا ہے کہ عید کے بعد تمام مسلم لیگی دھڑے متحد ہوجائیں گے۔ خصوصی بات چیت کرتے ہوئے انہوں نے بتایا کہ میرا نواز شریف سے کوئی تعلق نہیں ہے۔ نواز شریف صرف پنجابیوں کے لیڈر ہیں۔ انہوں نے جاگ پنجابی جاگ کا نعرہ لگایا تھا۔ غوث علی شاہ نے کہا کہ تمام لیگی دھڑوں کے اتحاد کے لئے پرویز مشرف، چوہدری شجاعت، پیر پگارا اور ذوالفقار کھوسہ سے بات ہوچکی ہے۔ عید کے بعد تمام لیگی دھڑوں کے اتحاد کا اعلان کیا جائے گا۔