کراچی(نیوزڈیسک)ڈاکٹر عبدالقدیر خان کے تازہ بیان نے بھارت میں تھرتھلی مچادی،پاکستان کے ایٹمی سائنسدان ڈاکٹر عبدالقدیر خان نے کہا کہ پاکستان دشمنوں کی بری نگاہ سے محفوظ ہے ہمارے پاس اتنے ایٹم بم ہیں کہ بھارت نے جارحیت کی غلطی کی تو ہم ہندوستان کے بڑے شہروں کو دس سے پندرہ منٹ میں پانچ مرتبہ صفحہ ہستی سے مٹاسکتے ہیں ۔ پاکستان کو ایٹمی قوت بنانے میں باہر سے کسی نے مدد نہیں کی یہ پاکستانیوں کی وطن کو محفوظ بنانے کیلئے لازوال قربانیوں کا ثمر ہے ۔ ہمیں اللہ تعالیٰ نے چھ ، سات سال میں دے دیا ہے ۔ وہ گذشتہ شب سیلانی ویلفیئر انٹرنیشنل ٹرسٹ کے زیر اہتمام تیسرا سالانہ سمپوزیم 2015 ءمنعقدہ پی ۔اے۔ ایف۔ میوزیم کنونشن سینٹر میں بحیثیت مہمان خصوصی خطاب کررہے تھے ۔ قبل ازیں سمینار سے ٹرسٹ کے سرپرست اعلیٰ ممتاز روحانی وسماجی شخصیت مولانا بشیر فاروق قادری ،عامر اقبال مدنی، عبدالقیوم اہمدانی ،سابق وفاقی وزیر سہیل وجاہت صدیقی، سابق رُکن قومی اسمبلی عبدالعزیز میمن، منیر ٹرنک والا، جوہر علی قندھاری نے بھی سیلانی کی بلاامتیاز تفریق عوام کی سماجی اور معاشی بہبود کے مختلف پہلوﺅں پر اظہار خیال کیا ۔ ڈاکٹر عبدالقدیر خان نے کہا کہ اللہ تعالیٰ نے پاکستان کو بہت سے وسائل عطاءکئے ہیں جس کے استعمال سے ہم پانچ سال کی مختصر مدت میں ملائیشیا اور ترکی کو بھی بہت پیچھے چھوڑ سکتے ہیں لیکن بدقسمتی سے ہمارے حکمرانوں میں یہ اہلیت نہیں ہے کہ وہ ٹھیک سے کام کرسکیں وہ غلط ترجیحات طے کرتے ہیں میٹروبس کے بغیر بھی کام چل سکتا تھا ہمارے ملک کو