لاہور(آ ن لائن)محکمہ ہائیر ایجوکیشن پنجاب نے سرگودھا کے 3 غیر رجسٹرڈ کالجز سمیت مختلف اضلاع میں قائم کالجوں کےخلاف کریک ڈاﺅن شروع کردیا ہے۔ محکمہ ہائیر ایجوکیشن پنجاب سے وابستہ سینئر اہلکار نے بتایا کہ ایسے نجی کالجز موجود ہیں جو غیر رجسٹرڈ ہیںجن کےخلاف کاروائی کےلئے تمام ڈویژنل ڈائریکٹر کالجز کو مراسلہ جاری کرتے ہوئے غیر رجسٹرڈ کالجز کی تفصیلات طلب کرلی گئی ہیں اور انہیں ہدایت کی گئی ہے کہ ان کالجز کےخلاف فوری طور پر کریک ڈاﺅن کرتے ہوئے ان کےخلاف قانونی کاروائی عمل میں لائیں۔اس کے لئے چھاپہ مار”خصوصی فورس“ تیار کی گئی ہے جو پولیس کی معاونت سے اپنا کام جاری رکھے گی۔
مزید پڑھئے:ماورا بالی وڈ فوٹو شوٹ کی وجہ سے تنازع کا شکار
