اسلام آباد (نیوز ڈیسک) تحریک انصاف کے چیئرمین عمران خان نے ایک بار پھر سے عزم کا اعادہ کرتے ہوئے کہا کہ وہ اس وقت تک قومی اسمبلی کی کارروائی کا حصہ نہیں بنیں گے جب تک جوڈیشل کمیشن کا نتیجہ سامنے نہیں آئے گا ۔ ان خیالات کا اظہار عمران خان نے ہفتہ کو اپنے ایک بیان میں کیا ۔ انہوں نے کہا کہ تحریک انصاف و دیگر ارکان سینٹ و قومی اسمبلی کی کارروائیوں میں بھرپور شرکت کریں گے اور وہاں پر اپوزیشن کا کردار ادا کریں گے ۔ عمران خان نے اپنے حوالے سے اسمبلی اجلاس میں شرکت کی تمام خبروں کو بے بنیاد قرار دیتے ہوئے کہا کہ اس وقت تک قومی اسمبلی اجلاس میں شرکت نہیں کروں گا جب تک جوڈیشل کمیشن کے نتائج سامنے نہیں آ جاتے ہیں ۔
مزید پڑھئے:عورت کسی میدان میں مردوں سے کم نہیں،نور
