لیکن وفاقی وزیر کو اس کی قیمت کابھی نہیں پتہ یاپھر وہ قیمت بتانے سے لا علم ہیں ایوان صدر کے اخراجات میں اضافہ کیا گیا صدرممنون حسین تو پہلے ہی ممنون ہیں دودھ ،دہی ،گوشت، لنڈے کے کپڑے کو مہنگا کردیاگیا کہاں سے یہ غریب نواز بجٹ ہے یہ بجٹ غریبوں کاخون نچوڑنے والا ہے سیلز ٹیکس میں اضافہ کیا گیا ہے اس بجٹ میں ساٹھ فیصد بالواسطہ ٹیکس ہے انہوں نے کہاکہ جب تک تنخواہیں نہ بڑھائی جائیں وسائل کی تقسیم صحیح نہیں ہوتی تیرہ ہزار کم سے کم تنخواہ مقرر کرکے وزیرخزانہ نے مزدوروں کے ساتھ مذاق کیا ہے ہمیں یہ تیرہ ہزار میں بجٹ بناکردکھائیں تو میں انکی خوب تعریف کرونگا اور کہونگا کہ وہ سچے اوردرست ہیں جتنی مہنگائی ہوئی ہے اس کی نسبت کم تنخواہیں بڑھائی گئیں حکومت کے افراط زر سے متعلق اعداد وشمار ضعیف ہیں بجلی کی سبسڈی ختم کرکے بجلی کے بلوں میں اضافہ کیاجائیگا بینظیرانکم سپورٹ پروگرام غربت اورافلاس کے خاتمے کی طرف قدم تھا حکومت نے وسیلہ حق اوروسیلہ روزگار کی طرف کوئی قدم نہیں اٹھایا انہوں نے کہاکہ پاکستان کی آبادی ایک بم بن گئی ہے اس کو کنٹرول کرنے کیلئے بجٹ میں کچھ نہیں رکھا گیا تعلیم صحت کو نظر انداز کیا گیا اگرمرکز کے پاس اختیارنہیں تووہ صوبوں کوزیادہ وسائل دیں موجودہ حکومت میں کوئی سوچ اورویژن نہیں ہے ہمارے وسائل کم اور آبادی تیزی سے بڑھ رہی ہے انہوں نے کہا کہ پولیو ورکرز کی تنخواہ میں یکمشت چارسے پانچ گنا اضافہ کیاجائے وہ اپنی جان ہتھیلی پر رکھ کرنکلتے ہیں گلگت بلتستان میں حکومت گندم پرسبسڈی کو بحال کرے انہوں نے کہاکہ حکومت نے گزشتہ بجٹ میں پندرہ میں سے گیارہ اہداف پورے نہیں کئے جی ڈی پی کے گروتھ میں ٹارگٹ حاصل نہیں ہوسکا یہ بجٹ کاشتکاروں سے دشمنی کابجٹ ہے زرعی پیداوار بڑھانے کیلئے کوئی اقدامات نہیں کئے گئے زراعت ریڑھ کی ہڈی کی حیثیت رکھتی ہے حکومت کی اس حوالے سے کوئی پالیسی نہیں ہے انہوں نے کہاکہ موجودہ حکومت کو پٹرولیم مصنوعات کی قیمتوں میں کمی جی ایس ٹی پلس کادرجہ ملا اوراپوزیشن نے موجودہ حکومت کی بھرپورحمایت کی اس کے باوجود حکومت کچھ نہیں کرسکی یہ ان کی نااہلی ہے ورنہ ملک بلندیوںپرجاسکتاتھا ان کی ترجیحات غلط ہیں لاکھ دھرنے ہوں اپوزیشن سیسہ پلائی دیوارکی طرح کھڑی ہوگئی ہمیں دھرنے والوں سے اتفاق نہیں تھا دھرنے والے کہتے تھے کہ کان پٹی پربندوق رکھ کروزیراعظم سے استعفیٰ لے لیں تحفظات کے باوجود ہم نے حکومت کاساتھ دیا انہوں نے کہاکہ حکومت نے گردشی قرضے بڑھادیئے ہیں چھ ماہ میں لوڈشیڈنگ ختم کرنے کاوعدہ کیاتھا وزیراعلیٰ پنجاب نے