اسلام آباد(نیوز ڈیسک)بھارت نے ایک پاکستانی سفارتکار کو ویزا جاری کرنے سے انکار کر دیا ہے ۔ بھارتی میڈیا رپورٹس میں کہا گیا ہے کہ یہ اقدام پاکستان کی جانب سے دو یوگا انسٹرکٹرز کو ویزا جاری کرنے سے انکار کے بعد اٹھایا گیا ہے ۔ ٹائمز آف انڈیا نے اپنی رپورٹس میں کہا ہے کہ اسلام آباد نے اپنے ایک سفارتکار کو ویزے کے لئے اپلائی کیا تھا اور اس کو دہلی میں پاکستانی ہائی کمیشن میں تعینات کرنا چاہتے تھے ۔ تاہم بھارتی حکام نے بغیر وجہ بتائے ویزے سے انکار کر دیا تاہم رپورٹس میں کہا گیا ہے کہ بھارت نے اپنے دو یوگا انسٹرکٹرز کو ویزا نہ ملنے کے بعد پاکستانی سفارتکار کو ویزا جاری کرنے سے انکار کیا جو اسلام آباد میں بھارتی ہائی کمیشن میں 21 جون کو بھارتی اہلکاروں کے لئے تربیتی کورس شروع کرنے والے تھے تاہم پاکستان کے ہائی کمیشں کا کہنا ہے کہ یوگا انسٹرکٹرز کا ویزہ اب بھی زیر غور ہے ۔
مزید پڑھئے:بہن ،بھائی کی خاطر خود کو بیچنے کےلئے تیار
