راولپنڈی (نیوزڈیسک)ڈسٹرکٹ اینڈ سیشن جج راولپنڈی بہادر علی خان نے مذہبی منافرت پھیلانے کے مقدمہ میں کالعدم تنظیم کے رہنماءمولانا اورنگ زیب فاروقی کو 14روزکے جوڈیشل ریمانڈ پر جیل بھیج دیا، ملزم کے خلاف تھانہ سی ٹی ڈی نے مقدمہ نمبر 15زیر دفعہ 11W,F1,9ATAکے تحت مقدمہ درج کرکے کارروائی شروع کی اور ملزم کو گرفتار کرکے عدالت پیش کر دیا، ملزم کو انسداد دہشت گردی کی خصوصی عدالت میں پیش کیا جانا تھا تاہم خصوصی عدالت کے جج کے رخصت پر ہونے کے باعث ڈیوٹی جج ڈسٹرکٹ اینڈ سیشن جج بہادر علی خان کی عدالت میں پیش کیا گیا، ملزم کو عدالت نے جوڈیشل ریمانڈ پر بھیج دیا۔