اسلام آباد(نیوز ڈیسک)کوئٹہ میں سکیورٹی فورسز کی چیک پوسٹ پر دہشت گردوں کے راکٹ حملے میں کوئی جانی نقصان نہیں ہوا ،جوابی کارروائی میں حملہ آور فرار ہوگئے۔میڈیا رپورٹس کے مطابق جمعہ کے روز کوئٹہ کے علاقے آواران میںدہشت گردوں نے سکیورٹی فورسز کی چیک پوسٹ پر2 راکٹ فائر کئے تاہم یہ راکٹ چیک پوسٹ سے دور جاگرے جس سے کوئی جانی و مالی نقصان نہیں ہوا ،حملے کے بعد سکیورٹی فورسز فوری طور پر جوابی کارروائی کی جس سے دہشت گرد فرار ہونے میں کامیاب ہوگئے،سکیورٹی فورسز نے علاقے کو گھیرے میں لیکر سرچ آپریشن شروع کر دیاتاہم آخری اطلاع ملنے تک کسی کی گرفتاری عمل میں نہیں آئی ۔