اسلام آباد(نیوز ڈیسک)لاہور میں قتل کے1 مجرم کو کوٹ لکھپت جیل میں پھانسی دے دی گئی ہے۔ جیل ذرائع کے مطابق شیخوپورہ کے شمس الحق نے 22نومبر 1999کو مانوالا میں علی عمران نامی شخص کو قتل کردیا تھا، مقتول کے ورثا نے مجرم کو معاف کرنے سے انکار کردیا تھا اور رحم کی اپیل مسترد ہونے کے بعد عدالت نے اس کے ڈیتھ وارنٹ جاری کیے تھے، مجرم کو علی الصبح مجسٹریٹ کی موجودگی میں تختہ دار پر لٹکا دیا گیا ہے۔ دوسری جانب میانوالی سینٹرل جیل میں سزائے موت کے قیدی کو پھانسی دے دی گئی ہے، جیل ذرائع کے مطابق مجرم فتح محمد نے 1999میں رشتے کے تنازع پر 2افراد کو قتل کر دیا تھا۔