اسلام آباد(نیوز ڈیسک)وفاقی وزیر ریلوے خواجہ سعد رفیق کا کہنا ہے خیبر پختونخوا کے بلدیاتی انتخابات میں پرتشدد واقعات عمران خان کی ناکام طرز حکومت کی عکاس ہے۔ اپنے جاری کردہ ایک بیان میں تحریک انصاف کے چیئرمین عمران خان کے طرز حکومت کو کڑی تنقید کا نشانہ بناتے ہوئے ان کا کہنا ہے خیبر پختونخوا میں بلدیاتی انتخابات میں تشدد کے واقعات عمران خان کی ناکام طرز حکومت کی عکاس ہے۔ انہوں نے کہا امن و امان کی ذمہ داری الیکشن کمیشن پرعائد کرنا پی ٹی آئی کا سفید جھوٹ اور میاں افتخار کی گرفتاری بدترین سیاسی انتقام ہے ، خواجہ سعد رفیق نے کہا بلدیاتی انتخابات جیتنے کیلئے ہر ممکن حکومتی ہتھکنڈے استعمال کیے گئے۔