لاہور(نیوزڈیسک)جو ہم سے کمیشن کا مطالبہ کرتے تھے، اب ان کا کمیشن کون بنائے گا،مسلم لیگ ن کااعلان کپتان پریشان،تفصیلات کے مطابق مسلم لیگ (ن) کے رہنما اوروزیراعظم کے دامادکیپٹن(ر)محمد صفدر نے کہا کہ ہم (آج) اتوار کو بلدیاتی انتخابات میں دھاندلی کے تمام ثبوت لے کر الیکشن کمیشن جائیں گے، تحریک انصاف نے خیبرپختونخوا میں ریکارڈ دھاندلی کی۔ ہفتہ کو خیبرپختونخوا کے بلدیاتی انتخابات کے دوران پیدا ہونے والی صورتحال پر رد عمل کا اظہار کرتے ہوئے کیپٹن(ر) صفدر نے کہا کہ خیبرپختونخواہ میں انتظامیہ تحریک انصاف کے ساتھ ملی ہوئی تھی اور ایسے تھا جیسے ہمارے امیدواروں کے ہاتھ باندھے ہوئے ہیں، جو ہم سے کمیشن کا مطالبہ کرتے تھے، اب ان کا کمیشن کون بنائے گا۔ انہوں نے کہا کہ خیبرپختونخوا کے بلدیاتی انتخابات میں ریکارڈ دھاندلی کی گئی، ہم (آج) اتوار کو دھاندلی کے تمام ثبوت لے کر الیکشن کمیشن میں جائیں گے اور اسکے خلاف درخواست دائر کریں گے۔(