اسلام آباد(نیوزڈیسک) گانچھے کی پچ پر بھی کپتان نے سیاسی مخالفین کو خوب یارکر مارے کہتے ہیں ن لیگ اور پیپلز پارٹی میں شمولیت کی دعوت ملی تھی مگر انکار کر دیا۔ نواز شریف اور آصف علی زرداری ان سے زیادہ ٹیلنٹڈ اور بہتر کھلاڑی تھے لیکن بہتر فیصلہ کر کے دونوں کو پیچھے چھوڑ دیا اب ایک ہی بال سے دونوں وکٹیں گرا دیں گے۔ عمران خان نے کہا کہ عوام خود ہی بتائیں تین تین باریاں لینے والوں نے ان کے لئے کیا کیا لوگ آزمائے ہوئے چہروں کو دوبارہ نہ آزمائیں۔ پی ٹی آئی چیئرمین نے کہا کہ پنجاب میں انصاف کا کوئی نظام نہیں کئی علاقوں میں تو اندھیرا ہونے کے بعد گھر سے بھی نہیں نکلا جا سکتا۔ پنجاب کے سب سے بڑے مجرم رانا ثنا کو پھر وزیر قانون بنا دیا گیا