لاہور(نیوزڈیسک)”اب سری لنکن ٹیم پر حملے جیسے واقعہ نہیں ہونے دیںگے“ قذافی سٹیڈیم کے پاس پولیس کی بڑی کامیابی-پولیس نے پاکستان اور زمبابوے کے درمیان دوسرے ایک روزہ میچ سے قبل قذافی اسٹیڈیم اور ملحقہ علاقوں میں سرچ آپریشن کے دوران آٹھ مشتبہ افراد کو حراست میں لے لیا ۔ ڈی آئی جی آپریشنز ڈاکٹر حیدر اشرف کے مطابق پاکستان اور زمبابوے کی ٹیموں کے درمیان دوسرے ون ڈے کی سکیورٹی کے حوالے سے قذافی اسٹیڈیم اورملحقہ علاقوں میں سرچ آپریشن کیا گیا ۔پی سی ایس آئی آر کالونی،سینٹ میری کالونی اور اوریگا سنٹر کے علاقوں میں کئے گئے سرچ آپریشن کے دوران آٹھ مشتبہ افراد کو حراست میں لیا گیا ہے جنہیں مزید تفتیش کے لئے مختلف تھانوں میں منتقل کردیا گیا ہے۔