لاہور/راولپنڈی (نیوزڈیسک) راولپنڈی اسلام آباد میٹروبس کا افتتاح ،وزیراعلیٰ پنجاب نے تاریخ کنفرم کردی، وزیر اعلیٰ پنجاب محمد شہبازشریف نے کہاہے کہ راولپنڈی اسلام آباد میٹروبس کے عظیم منصوبے کا اگلے ہفتے افتتاح کر دیا جائے گا اور ےہ منصوبہ قومی وسائل عوام کی سہولت پر خرچ کرنے کی شاندار مثال ہے . راولپنڈی اسلام آباد میٹروبس منصوبے پر پیشرفت کا تفصیلی جائزہ لیا گیا انہوں نے کہاکہ جڑواں شہروں کے لاکھوں افراد با کفایت، آرام دہ اور تیز رفتار سفری سہولتوں سے مستفید ہوں گے- 5ماہ پر محیط رکاوٹوں کے باوجود منصوبہ ریکارڈ مدت میں مکمل کیا گیاہے -انہوں نے کہاکہ پنجاب حکومت عوام کو ٹرانسپورٹ کی بہترین سہولتوں کی فراہمی کے منصوبوں پر خطیر وسائل خرچ کر رہی ہے- میٹروبس سروس نے ٹرانسپورٹ کے شعبہ میں انقلاب برپا کیا ہے ۔