اسلام آباد (نیوزڈیسک) الیکشن کمیشن نے ضابطہ اخلاق کی خلاف ورزی پر مسلم لیگ (ن) کے رہنما اور وزیراعظم نواز شریف کے داماد کیپٹن(ر)صفدر کو نوٹس جاری کرتے ہوئے 28مئی کو طلب کرلیا۔ منگل کو الیکشن کمیشن نے مسلم لیگ (ن) کے رہنما اور وزیراعظم نواز شریف کے داماد کیپٹن (ر)صفدر کو بلدیاتی انتخابات کے دوران ضابطہ اخلاق کی خلاف ورزی کرنے پر نوٹس جاری کر دیا اور انہیں وضاحت کےلئے 28مئی کو طلب کرلیا ہے، ان کے ساتھ ڈپٹی اسپیکر قومی اسمبلی مرتضی جاوید عباسی، دو ارکان قومی اسمبلی خلیل الزمان اور طارق اللہ کو بھی 28 مئی کو طلب کیا ہے۔