دبئی(نیوزڈیسک)دبئی کے زرداری ہاﺅس میں زرداری فیملی کا اجتماع ہوا، اس دوران آصف زرداری اور بلاول بھٹو کے درمیان دوریاں ختم کرانے کی کوششیں کی گئیں۔ذرائع کے مطابق زرداری فیملی نے رمضان المبارک اکٹھے گزارنے کا فیصلہ کیا ہے ، پیپلزپارٹی کے شریک چیئرمین آصف زرداری گزشتہ روز دبئی پہنچے اور دبئی کے زرداری ہاﺅس میں بلاول سے ملاقات کی۔ ملاقات میں فریال تالپور اور بختاور بھٹو زرداری بھی شریک تھیں۔ ذرائع کے مطابق ملاقات میں، آصف زرداری اور بلاول بھٹو کے درمیان دوریاں ختم کرانے کی کوششیں کی گئیں اور بلاول کو پاکستان کی سیاست میں دوبارہ سرگرم کرنے کے لئے قائل کیاگیا۔ لندن میں پارٹی کنونشن کرانے پر اور پارٹی کے ناراض رہنماﺅں کو شامل کرنے پر بھی غور کیاگیا۔ذرائع کے مطابق زرداری فیملی رمضان المبارک اکٹھے گزارے گی۔