اسلام ا باد ( نیوز ڈیسک) وزیراعظم نوازشریف کی زیر صدارت وفاقی کابینہ کا اجلاس آج ہو گا۔ اجلاس میں آئندہ مالی سال کیلئے بجٹ تجاویز پر غور کیا جائے گا۔ترجمان وزیر اعظم ہاؤس کے مطابق وزیر اعظم نواز شریف نے وفاقی کابینہ کا اجلاس آج طلب کر رکھا ہے۔ وزیر اعظم نواز شریف اجلاس کی صدارت کریں گے۔ ذرائع کے مطابق اجلاس میں بجٹ تجاویز اور گیس کی قیمتوں پرغور کیا جائے گا۔ اجلاس میں آئندہ مالی سال کے لئے بجٹ حکمت عملی کی دستاویزات بھی پیش کی جائیں گی۔ وفاقی وزیر خزانہ اسحاق ڈار بجٹ دستاویزات سے متعلق کابینہ کے ارکان کو بریفنگ دیں گے۔