لاہور(نیوزڈیسک) پاکستان اور زمبابوے کے خلاف پہلے ٹی ٹوئنٹی میچ کے دوران پی سی بی کے اہلکار کو تشدد کا نشانہ بنانے پر 2 پولیس افسروں کو معطل کردیا گیا۔اڈیشنل آئی جی سپیشل برانچ لاہورڈاکٹرعارف مشتاق نے اسپیشل برانچ میں تعینات انسپکٹر فیاض اور ایس ایس پی لاہور ریجن کے پی ایس او محمد یونس کو معطل کردیا ہے، دونوں اہلکاروں نے پولیس کے اعلیٰ افسر کے بیٹے کو پاکستان اور زمبابوے کے درمیان کھیلا گیا پہلا ٹی 20 میچ بغیر ٹکٹ دیکھنے کی اجازت نہ دینے پر پی سی بی کے اہلکار کو تشدد کا نشانہ بنایا تھا۔
دوسری جانب لاہور پولیس نے اس قسم کے کسی بھی واقعے سے لاعلمی کا اظہار کرتے ہوئے اہلکاروں کی معطلی کو محکمہ جاتی معاملہ قرار دیا ہے۔