اسلام آباد(نیوز ڈیسک)پشاورکینٹ سرکل میں سرچ آپریشن کے دوران پولیس نے 100مشتبہ افراد کو حراست میں لے لیا۔ آپریشن کے دوران 3رکنی ڈکیت گروہ کو بھی گرفتار کیا گیا۔ پولیس کے مطابق سیکیورٹی فورسز کے ساتھ مشترکہ سرچ آپریشن کینٹ سرکل کے مختلف تھانہ جات غربی، شرقی، پشتخرہ اور گلبرگ میں کیا گیا۔ جس دوران 100مشتبہ افراد کو حراست میں لیا گیا جن میں 25 افغان باشندے شامل ہیں جو غیر قانونی طور پر پشاور میں مقیم تھے،ان کے قبضہ سے 5پستولیں، 1رائفل اور سینکڑوں کارتوس برآمد ہوئے۔ آپریشن کے دوران 3رکنی ڈکیت گروہ کو بھی گرفتار کیا گیا۔ جو کینٹ کے علاقوں میں ڈکیٹی کی متعدد وارداتوں میں ملوث رہا ہے۔