لاہور(نیوزڈیسک)چیئرمین تحریک انصاف عمران خان کی اہلیہ ریحام خان نے کہا ہے کہ مصروفیات کے باعث پاکستان اورزمبابوے کے درمیان پہلا میچ دیکھنے کی خواہش کی تکمیل نہیں ہو سکی،اب بھی بھرپور کوشش ہے کہ وقت نکل آئے اور اسٹیڈیم میں بیٹھ کر ایک میچ ضرور دیکھیں ۔ گزشتہ روز صحافیوں سے گفتگو کرتے ہوئے ریحام خان نے بتایا کہ شدید خواہش تھی کہ پاکستان اور زمبابوے کے درمیان پہلا میچ اسٹیڈیم میں بیٹھ کر دیکھا جائے لیکن عمران خان کی جوڈیشل کمیشن میں مصروفیات کے باعث ایسا نہ ہو سکا ۔تاہم ٹی وی کے سامنے بیٹھ کر تھوڑا میچ ضرور دیکھا ہے۔ ریحام خان نے کہا کہ اب بھی بھرپور کوشش ہے کہ وقت نکل آئے اور ایک میچ دیکھنے کے لئے ضرور اسٹیڈیم آئیں۔