اسلام آباد(نیوز ڈیسک)ریحام خان کی سیکورٹی پر مامور ایلیٹ فورس کے اہلکاروں نے رکشہ ڈرائیور کو تشدد کا نشانہ بنا ڈالا۔ تفصیلات کے مطابق رکشہ ڈرائیور پر تشدد کا واقعہ لاہور میں وحدت کالونی کے علاقے میں پیش آیا جہاں ریحام خان فوٹوگرافر مظہر اقبال کے انتقال پر ا±ن کے اہل خانہ سے اظہار تعزیت کے لیے گئی تھیں جہاں سے واپسی پر ایک رکشہ ڈرائیور ایلیٹ فورس کی گاڑی کے سامنے آگیا جسے رکشہ جلدی نہ ہٹانے پر ایلیٹ فورس کے اہلکاروں نے تشدد کا نشانہ بنایا۔ اِس موقع پر وہاں جمع ہونے والے لوگوں کے ہجوم نے بمشکل رکشہ ڈرائیور کی جان بخشی کرائی۔واقعے کے بعد ڈی آئی جی ایلیٹ نے رکشہ ڈرائیور پر تشدد کرنے والے ایلیٹ فورس کے اہلکار کو معطل کر دیا ہے ، احمد کے رکشہ ڈرائیور پر تشدد کے حوالے سے معاملے کی انکوائری کا حکم بھی دے دیا گیا ہے۔