اسلام آباد(نیوزڈیسک)محکمہ موسمیات نے کہا ہے کہ ملک کے بالائی علاقوں میں بارش کا امکان ہے جبکہ دوسری جانب بیشتر علاقے گرمی کی لپیٹ میں رہیں گے۔محکمہ موسمیات کے مطابق شام اوررات مالاکنڈ،ہزارہ، پشاور، کوہاٹ، مردان ، فاٹا، اسلام آباد ، بالائی پنجاب ،کشمیراورگلگت بلتستان میں گرج چمک کے ساتھ بارش کا امکان ہے،(آج) ہفتہ سے اتوار تک ملک کے بالائی خیبرپختونخوا ، راولپنڈی،سرگودھا، لاہور، فیصل آباد، گوجرانوالہ ، کشمیراورگلگت بلتستان میں کہیں کہیں بارش کا امکان ہے تاہم آئندہ چوبیس گھنٹوں کے دوران ملک کے بیشتر علاقوں میں موسم گرم اورخشک رہے گا گزشتہ روز سب سے زیادہ درجہ حرارت لاڑکانہ میں پچاس ڈگری سینٹی گریڈ ریکارڈ کیا گیا۔