کراچی(نیوزڈیسک)کراچی میں رینجرز نے سینما کا محاصرہ کرلیا، تفصیلات کے مطابق کراچی صدرمیں رینجرز نے سینما کا محاصرہ کرلیا ہے سینما میں موجود تمام افراد کو ایک طرف بٹھادیاگیا ہے ، سینما ہال سے تقریبا بارہ افراد کو گرفتار کرنے کا بتایاجارہا ہے ذرائع کا کہنا ہے کہ رینجرز کی اس کارروائی پر تاجروں نے عبداللہ ہارون روڈ پر احتجاج شروع کردیا ہے جس کی وجہ سے ٹریفک جام ہوگیا ہے۔ رینجرز سینما ہال میں موجود تمام افراد کو شناخت کررہے ہیں اور ان میں سے اب تک بارہ افراد کو گرفتار کئے جانے کی اطلاعات ہیں۔ ذرائع کا کہنا ہے کہ رینجرز نے خفیہ اطلاع پر سینما ہال کا محاصرہ کیا اور وہاں سے گرفتار ہونے والوں میں اہم افراد شامل ہیں۔